Blusens abre a súa tenda en liña, Blusens Store

A multinacional tecnolóxica galega, Blusens, co obxectivo de ofrecerlle unha nova canle adicional aos seus clientes de todo o mundo, vén de crear a súa tenda en liña Blusens Store, que pón ao alcance da man de tódolos internautas moitos dos produtos que a compañía distribúe en máis de 50 mercados nacionais e internacionais.
Na súa teima por ofrecerlle o mellor servizo posible aos seus usuarios, Blusens abre esta tenda con vistas a ofertar toda a súa gama de produtos, e nun primeiro momento, ao longo deste mes de novembro, os clientes poderán aproveitar importantes ofertas de lanzamento.
Blusens Store foi deseñada para que, de maneira cómoda e intuitiva, calquera usuario poida navegar, informarse e adquirir calquera produto da compañía dende calquera lugar do mundo. Unha vez rexistrado, todo usuario poderá encher a súa cesta da compra cos produtos tecnolóxicos da súa elección, nun proceso totalmente transparente.
Como xeitos de pago, Blusens permite a compra coas principais tarxetas de crédito/débito: VISA, Mastercard e American Express.
Asemade, Blusens implementou un sistema de aprobación de tarxetas non emitidas en España para que calquera persoa do mundo poida ter acceso aos seus produtos.
O usuario, unha vez efectuado o pedido, poderá obter información en liña sobre o estado dos seus pedidos, tempos de entrega, envíos, devolucións, reparacións… e asemade, dispón dun teléfono de atención ao cliente (902 300 442), así como un mail (clientes@blusens.com) para que poida aclarar as súas dúbidas con respecto a algún produto ou pedido realizado.
A intención desta iniciativa é, segundo vén de informar o director de Marketing de Blusens, Miguel Churruca, “aportar un punto máis de cercanía aos usuarios, proporcionandolles aos clientes maior información e posibilidades de elección, ao tempo que aumentan a dispoñibilidade dos seus produtos a nivel online”.
A compañía, engade, “traslada a Blusens Store os mesmos principios que contribuíron á súa expansión en máis de 50 países: deseño, calidade e facilidade de uso”.