O arquivo de arquitectura tradicional galega chega ás 2000 fotos en Flickr
martes, 16 de decembro do 2008
O grupo de
Flickr de arquitectura tradicional galega, que recolle fotografías do
patrimonio artístico tradicional galego e máis concretamente de “arquitectura sen arquitectos” tal como:
eiras, alpendres, alvarizas, batáns, capelas, vivendas, cerres, muíños,
oleiras, ouriceiras, palcos, palleiras, pallozas, pendellos, pozos… e outros
exemplos de arquitectura típica recollida das paisaxes da nosa comunidade, vén
de superar as 2.000 imaxes penduradas na coñecida web.
O grupo, que está aberto a tódolos amantes da fotografía do
noso patrimonio cultural, conta na actualidade cun total de 323 membros, os
cales, fan un chamamento a tódolos internautas que desexen aportar as súas
imaxes para “seguir medrando”.
